楊釗話今年係中總成立一百一十五周年，決定喺新春佳節全港派米。
本港人口老化問題愈見嚴重，而有政團、社福機構每隔一段時間，就會喺特定時間同地點向有需要長者派米，以前曾經試過有大群長者排隊攞米，搞到好混亂，長者亦好辛苦，所以如果班長者唔使日曬雨淋就可以拎到幾包米返屋企，相信更受長者歡迎。
好似尋日一個長者活動，中華總商會會長楊釗即場宣布，今年出手非常闊綽，總共會派發十一萬五千包香米。在場唔少長者聽到後笑容滿面，不停話「好呀！有米食呀！」，唔知楊釗眼見台下反應咁好，明年會唔會加碼同優化派米安排呢？
第一手消息請下載on.cc東網
