政府飛行服務隊早前買入兩架新噴射機，但新機需要修正，料明年抵港，依家仍要靠十七年歷史嘅老爺定翼機頂住，令人擔心航行安全，更怕淪復興航空翻版，李衞問吓總監培培機長驚唔驚。
李衞：老爺機靠唔靠得住o架？會唔會好易發生意外？
培培：得得得，維修保養做到足，唔使擔心！
李衞：機齡成17年，好似好牙煙喎……
培培：冇咁易出事嘅，畀啲信心我哋啦！
李衞：但意外嘅嘢邊有人預計到，唔怕一萬，至怕萬一呀！
培培：冇錯就係預計唔到……
李衞：咁點算好？
培培：完全預計唔到新機要修正，搞到遲遲未到，唉，我夠想用新機啦，老爺機惟有頂硬上！
李衞：一早唔好亂入貨咪得囉！
第一手消息請下載on.cc東網李衞
