本港人口老化令病人對復康服務的需求大增，早前，本身係骨科名醫、啱啱就任醫院管理局主席嘅梁智仁，提出新落成公營醫院如啟德醫院，倣效屯門醫院附設康復大樓，有利行動不便嘅病人喺急症醫院「原址」接受復康一條龍服務，唔使轉去另一間復康醫院，既可集中控制內科病床流轉，又可強化跟進病人病情。梁智仁呢招都算係惠民嘅，不過唔該佢唔好漏招，着緊吓早排公立醫院發生嘅連串醫療事故，如留低手術工具喺病人體內咁，否則病人就算有乜復康服務都補唔番咯！
第一手消息請下載on.cc東網
