有市民發現危樹，但部門竟以樹木位處私人土地為由拒絕處理，稱要倡導部門以專業手法管理樹木嘅樹木辦難辭其咎，發展局局長波波自然淪為箭靶。
市民︰又發現危樹，仲唔做嘢？
波波︰棵樹喺私地上面，官地官了；私地私了，唔可以越俎代庖。
市民︰教訓連連，唔該你同我即刻處理。
波波︰得，我即刻做畀你睇！
市民︰突然之間咁順攤？
（波波席地而睡。）
市民︰你做乜嘢瞓覺？對件事有乜幫助？
波波︰你話「教瞓」嘛，唔使你教，我都識喇，等我瞓醒再同你講啦！
市民︰@##$$%%
李衞
第一手消息請下載on.cc東網
