消防處第三代調派系統日前又跪低，阻白車服務半粒鐘，咁大件事，李衞梗係搵消防處處長軒軒傾吓。
李衞：成七億嘅系統，話跪低就跪低，有冇咁「化學」呀！
軒軒：意外嘅嘢冇人想。我哋已經盡快搶修。
李衞：萬一搞出人命，你話點算好？
軒軒：阻咗半粒鐘啫，最後咪冇事！
李衞：睇死你哋，最叻咪話係「意外」、「個別事件」咁囉！
軒軒：你都識講啦，呢啲係意外，我又控制唔到，個系統又控制唔到，可以點？
李衞：控制唔到都要搞o架，市民隨時「控制」你，要你走人呀！
軒軒：咁大膽？信唔信你哋屋企火燭，個系統又壞過吖嗱……
第一手消息請下載on.cc東網李衞
