容永祺（中）與伊朗女學生合照。（受訪者提供）
專業及資深行政人員協會創會會長容永祺（Samuel）早前就同太太去伊朗旅行，同行仲有中華廠商聯合會會長李秀恒、立法會議員謝偉俊等人。Samuel因為食唔慣當地菜，拎幾個杯麵出來加餸，引來鄰座伊朗人眼甘甘。
伊朗女性保守，容太就要入鄉隨俗，包番條頭巾，而Samuel亦唔敢貿然走得太近當地女性，誰知參觀博物館時遇上一班伊朗女學生，笑容可掬，即時將隔膜融化。交談下，更有問必答，最後仲齊齊影番張相留念。雖然伊朗人好客，但買手織地氈時，店主開價絕不客氣，Samuel睇中一張巨型真絲波斯地氈，原本開價五萬美元，最後還價至兩萬美元成交。
買得心頭好，再去品嘗伊朗「盆菜」，巨型圓盤內堆滿烤焗而成嘅牛、羊、雞、魚，媲美圍村風味盆菜。不過，食得烤嘢多，Samuel突然拎個日式杯麵出來加餸，陣陣麵香，搞到鄰座伊朗食客食指大動，其中一位伊朗小朋友更眼甘甘望住碗麵，Samuel見狀，二話不說同大家分甘同味。
第一手消息請下載on.cc東網
