冇乜港區全國人大代表參與聯署，吳秋北慘食檸檬。（資料圖片）
相信大家仲記得，港區全國人大代表吳秋北喺早個幾月前已經對外放風，話想將內地《國家安全法》納入《基本法》附件，佢呢番言論一出惹起很大爭議，唔少港區人大都話唔打算同佢一齊聯署，搞到吳秋北慘食多個檸檬。點知臨近三月「兩會」前夕，吳秋北靜極思動未死心，表明《基本法》第二十三條立法遙遙無期，未有法律規管外國勢力干預、分裂國家同港獨行為，所以仍然會按照計劃提出聯署，建議將內地正草擬嘅《國安法》納入《基本法》附件。
不過，眼見港區人大冇太多知音人，吳秋北決定開闢新天地，話會爭取港區以外嘅人大代表聯署。如果吳秋北真係付諸實行，到時分分鐘有機會搵到啲新疆代表團嘅人大代表、西藏代表團嘅人大代表聯署講香港內部事務？唔知吳秋北有冇考慮過，咁做法會否影響香港「一國兩制」，定係其實吳秋北只係「代理人」，落手落腳幫其他人發聲呢？
第一手消息請下載on.cc東網
