張智威話公司生意增長，員工封開工利是都會大啲。
農曆新年到，打工仔都會格外開心，放完假之後好多公司都會派開工利是！證券界過去一年交投暢旺，信誠證券聯席董事張智威話，公司生意估計有雙位數增幅，所以今年開工利是可以大封啲、鬆手啲。咁都未算，公司仲會「揼多啲本」，「搞大」下月喺中環大會堂舉行嘅春茗晚宴。
現金大禮有驚喜
咁會唔會有幾份現金大禮o架？佢笑笑口話「都會有」，不過，為咗留番個驚喜畀大家，依家暫時唔開估住。業界好景大家都分享得到，致富集團主席周松堦就話，對員工嘅「獎勵」會喺份花紅上反映，而開工利是就要「一視同仁」個個一樣。咁時富呢？佢哋資產管理董事總經理姚浩然就話，今年開工利是估計同往年相若，大概50、100蚊，最重要係利利是是、大家開心。
第一手消息請下載on.cc東網
