周美鳳好重視農曆新年，仲會每年買株桃花旺吓。
新年到，家家戶戶都會準備過節物品，名媛公關周美鳳Lelia就一定要買番株桃花應節：「我已經買咗桃花十幾年，我覺得桃花好靚，而且只係新年先有，近兩年桃花放埋喺公司，發覺啲伙記姻緣唔錯，咁希望佢哋除咗感情事，人緣都旺啦！」點解咁鍾意桃花？佢講笑話，桃花不需要綠葉扶持，同自己性格相似喎。
羊年Keep住正能量
桃花之外，佢仲鍾意水仙、劍蘭等，但就唔會買桔，理由都奇怪：「因為去買桔又自己捧番走，好似混吉咁，唔吉利！」忙完過年嘅物品後，佢都疊埋心水放假，聽日就會同家人飛去泰國清邁，過個熱辣辣嘅新年，至於羊年願望？佢就話：「一定係身體健康，步步高陞，財源滾滾來！新一年要keep住有正能量，咁好運就會嚟搵你。」
第一手消息請下載on.cc東網
