「垃圾！廢渣！」少膽虫捱鬧低頭不語，心諗︰「《爛果》入面梗係有條爛虫啦，唔係點叫《爛果》？」淫賤黎愈鬧愈起勁，「你衣冠禽獸，表裏不一，淨係識舔我……鞋底！」
少膽虫忍無可忍，「夠喇！雖然我係條虫，但話晒都係虫中之王，畀啲面好喎。」淫賤黎畀呢一下反駁，嚇到目瞪口呆，「虫中之王？既然係咁，你幫我入屯門同沙田買啲嘢。」豈有此理，同你講本虫係王者，你叫王者去買嘢，傻的嗎？不過，就畀你睇吓王者嘅厲害！
第二日……
「腦細，我……」一聽少膽虫尷尬語氣，淫賤黎已經蓄勢待發，「叫你買嘢買成日？算喇，啲嘢呢？」少膽虫全身顫抖，「腦細，你聽我解釋，屯門條巴士人龍……」未講完，淫賤黎插嘴，「我唔理，我叫你買啲嘢呢？」「畀人搶晒，買唔到。」少膽虫細聲講。
又係一陣「啪啪啪」，「又話自己係王虫，人做蟲，你做虫，做到你咁廢，好心你就一路向北，好好學習啦！」
ss="footerAds clear">第一手消息請下載on.cc東網iPhone/iPad/Android/Windows Phone Apps
少膽虫
