在中華大地上，香港藉以驕傲自豪的，就係有廉潔昌明，公允無私的法治精神，此乃九百六十萬平方公里範圍內之其他地區所欠奉的！
用了四十年時間建立和維繫的潔淨法制，竟讓兩粒老鼠屎玷污了！
現今，最熱烘烘、全城關注的，當然係那醉貓湯顯明的拖女送餅飲茅台的「廉政風暴」啦！當大家的focus集中佢送禮及宴請大陸官員之案件，該由「誰」去handle審理時（即由老廉親手查處吖？定係另立一個獨立調查小組去跟進好呢？），這一刻，我卻順便問一問，既然審計署有追查廉政專員之涉嫌貪腐行為，咁有無查埋另外維持法紀的執法部門的頭頭，例如海關關長、保安局局長，甚或低級的警隊禿鷹？因為，佢哋都經常要同大陸官員「摸杯底」，交流交流的嘛！點知佢哋又有無互相拖女劈酒，正如中聯辦主任張曉明話齋：「很多香港人都覺得有問題時」，其實都係「很正常，很正常」喎！
吖！何解，我點名指海關和保安局呢？因醉湯皆曾任此兩部門的阿頭。仲有呀！唔知那些「前阿頭」（嗱！掃把頭咯！），有無同等應酬的事幹做過呢？敦請審計署辛苦吓啦！
文首提過兩粒老鼠屎禍港，除醉湯之外，就係多番提拔佢嘅恩人兼老頂，那貪無倫的賤精粉皮煲呔曾雀屎啦！無貪曾力捧，此庸才廢柴如何能坐在代表香港廉潔象徵的高位吖？真係臭罌出臭草，上樑不正下樑歪之典型範例！香港人，一定要追究到底呀！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
第一手消息請下載on.cc東方互動
