【投訴組報道】舊式公屋露台裝窗標準不一，居民長期承受風吹雨打之苦；本報接獲多個屋邨的居民求助，當中有失明住戶，因設於露台的廚房「冇遮冇掩」，無法煮食，哭訴房屋署無視居民需要。近日更有小型工程承辦商踢爆房署，拒絕住戶裝窗申請，已預訂的鋁窗頓成廢鐵。房署一面批准保留已安裝的鋁窗，但另一方面又拒絕裝窗申請，政策僵化，引起不滿。
公屋單位洗衣機去水位設於露台，房署卻建議住戶將電器遠離露台。
區議員吳美指房署禁止住戶安裝鋁窗將嚴重影響住戶生活。
訴說遭房署拒絕裝窗申請時，張女士一度激動落淚。
失明住戶張女士指日前一場黃雨便將電磁爐浸壞。
張女士擔心日後要將女兒書桌充當灶頭。
單親媽媽張女士雙目失明，與就讀小學的女兒靠綜援金過活。張近日獲配深水埗麗閣邨單位，廚房設於露台，不設窗戶，入伙不足一月，雨水已浸壞煮食爐，「我一個盲人點同風雨鬥？個囡仲細，要日日煮飯畀佢食，依家連個爐都壞埋，你叫我點算？」張哭着訴說面對的慘況。
申請維修一樣遭拒
石硤尾澤安邨住戶冼先生，亦同被禁裝鋁窗，「簽約嗰陣房署係有講過話唔畀裝窗，等咁多年先上到樓，邊個會因為咁放棄機會？住落咗先知咁大件事！」冼入伙後發現，不少鄰居均已裝上鋁窗。早前黃雨，雨水如瀑布從露台湧入，廚房頓成澤國，冼不滿房署政策不一，「有乜理由以前畀裝依家又唔畀，到底係咩標準？」
屋宇署認可註冊小型工程承建商李先生，因房署拒絕冼的裝窗申請，已損失數千元，「佢（房署）話裝窗有危險，我哋做趟窗又唔係推窗，根本唔會郁原本嘅嘢，如果有危險我哋都唔會做，況且咁多屋都裝咗，你叫我點服？」原為冼購入的鋁窗因無法使用而報廢，李炮轟房署政策不合理。
「房署一句話唔畀裝就算，又唔提出實際解決方法，有冇諗過居民嘅慘況？」該區區議員吳美，指澤安邨露台為廚房及洗衣機位置所在，房屋署拒絕住戶安裝申請，卻不提供解決方法，做法明顯僵化。吳又指曾接獲已裝窗住戶申請維修鋁窗，同遭房屋署拒絕，「新嘅又唔畀裝，連舊咗維修都唔畀，冇保養個窗跌咗落街咪仲危險！」
房屋署發言人解釋，舊式公屋會利用廚房或露台照明及通風，原先設計並未考慮在露台安裝窗戶。根據屋宇署去年八月實施的政策，此類樓宇的廚房及露台不能密封，惟已存在的露台窗戶則可保留及維修。就張女士的個案，發言人建議住戶遠離露台擺放電器。
「嗰度係廚房，你叫人搬番個爐頭、電飯煲入房煮，但係個鋅盆又喺廚房，究竟房署想點？」立法會房屋事務委員會副主席馮檢基，怒斥房署做法「斬腳趾避沙蟲」兼不切實際，並認為房署圖以影響通風照明為由禁止裝窗政策自相矛盾，「一九七三年開始到八二年起嘅公屋都係呢個設計，嗰度成二、三十萬戶，咁即係由得已經裝咗嘅人無限期違規，咁對其他居民好唔公道！」
第一手消息請下載on.cc東方互動
