政情：呂君堯為囝囝名諗爆頭
啱啱落莊嘅保良局前主席呂君堯，雖然退居幕後，但比以前更忙。點解？因為佢個仔喺嚟緊六月出世，依家仲諗緊改乜嘢名，佢老婆係韓國人，所以兩公婆希望改個中文同韓文相通嘅名，所以諗爆頭。
雖然好忙碌，但呂君堯都好識得忙裏偷閒，仲揀咗銅鑼灣一間食肆做佢嘅飯堂，話嗰間食肆嘅麵物超所值同好有日本feel，同朋友一邊食麵再加多杯啤酒，傾吓偈咁就perfect晒嘞！
呂君堯（右）同朋友邊食麵邊歎啤酒。