屯門同元朗連續兩個鄉委會修章，惹嚟鄉紳同鄉議局關注，人稱「騰雞美華」嘅民政事務總署署長陳甘美華可能見鄉民群情洶湧，靜雞雞決定檢討鄉委會制度，仲即時發信要求二十七個鄉委會要維持原有訂立嘅規章。據聞坪洲鄉委會修章同屯門鄉委會一樣，令太平紳士唔能夠自動成為鄉委會執委，變相令身為太平紳士嘅林偉強冇得留低，如今政府出手阻截，惹嚟偏幫之嫌。
成功踢走林偉強、當上坪洲鄉委會主席嘅黃漢權，話唔排除會提出司法覆核。今鋪政府都算係捉蟲囉！
