政情：成龍撐挪威三文魚有益

日本核輻射危機未解決，本港嘅日本食肆嘅生意大受影響，業界紛紛喺其他國家輸入食材，而挪威三文魚就係其中一種。

話說世界聞名嘅新派日本餐廳NOBU喺北京萬豪酒店正式開幕，餐廳嘅創始人松久信幸同近五百名明星及嘉賓到場，為國際著名演員成龍慶祝生日。挪威海產外貿局仲為呢次開幕禮同生日會提供一系列新鮮海產。

正當人人聞魚生色變之際，成龍就大聲呼籲：「挪威提供咗好多有益健康嘅三文魚，冇任何輻射，大家可以放心食用。」