魚缸Blogger：敏華回勇睇7蚊

敏華從事高檔傢俬銷售，內地「芝華仕」同「愛蒙」品牌零售店數目逾千間。去年上半年收入及純利一樣增長一成，分別至32億元及5億元，毛利率亦由35%升至35.9%。期內「芝華仕」銷量上升12.7%至418,812套，每套梳化平均售價下跌2.4%至6,779元，原因係公司逐漸提高非真皮梳化銷售所佔比例，以加快進入內地三、四線城市，同埋減輕真皮價格波動的影響。敏華位於天津的工廠一期廠房建設已於去年八月建成投產，新增年產能20萬套，令其梳化每年產能由1,116,000套增至1,316,000套。

另外，渣打早前發表報告唱好，話佢持續受惠於自動化生產，有助節省銷售、管理及行政開支，畀佢目標價16.2元（除淨前）。除豪派中期及特別股息每股1蚊外，敏華仲1送1紅股，已分別於十二月二日及一月二日除淨，股價應該仲有水位。