自細食到大 港式懷舊小菜

「向世界出發」、「跳出香港」，無疑係目光遠大，但可有想過，這彈丸之地也有值得珍惜的東西？單係講飲飲食食，港式小菜小炒都算有代表性，雖不是甚麼8大名菜，但個個由細食到大，親切感滿瀉。於大坑開業不久，主打燒味、小菜及海鮮的樂陶陶飯店，就將這些回憶中的味道重現。

這飯店一室懷舊格局，像霓虹燈招牌、店內的百葉簾、綠色膠枱布及牆磚等，還特別將是日靚餸寫在鏡面上，可謂一目了然；眼見街坊街里齊齊開飯，很有老香港情懷。

設工場自製燒味

以前未有太多娛樂，多數人都愛用「電視汁」撈飯，來這裏先霸個有利位置，邊食邊睇電視。點餸首推燒味，廚房班底均來自飯店前身的人氣店，廚藝當然有水準，再自設工場炮製燒味，分量和出爐時間自己話事，新鮮熱辣。選料方面亦很嚴謹，精選新會潮蓮靚鵝、靚脢頭及三黃雞等，點個拼盤就可試齊晒，伴碟更有幾乎失傳的廣東蠔油豆，超滿足！

家常小菜亦見心思，像菠蘿咕嚕肉用上新鮮菠蘿，以山楂及酸梅做糖醋汁，酸酸甜甜恰到好處；梅子醬爆骨將豬腩骨先炸後煮，雖花工夫，但勝在肉質鬆化香口。開飯時想「啤一啤」，用冰凍的「戰鬥碗」飲勝就最開心，而想飲足料無味精靚湯，則有原煲上枱的是日老火湯，足夠四人分享。

晚市特設海鮮檔

晚市時更設有海鮮檔，門外有車仔放滿是日靚貨，蝦、黃花魚、蟶子、扇貝、鱲魚及撻沙魚等，等大家埋嚟睇埋嚟揀，所有海鮮亦已預先清理好，可以即點即煮，單是煮法都有多種選擇，像豉汁蒸、薑葱煮、配冬菜或麵豉等，可提鮮辟腥，特別好食。

飯後來碗糖水，店子特別推介十二少紅豆沙，竟索價$88一碗！原來貴在陳年陳皮，幽幽的香氣，即時生色不少。特別一提，這飯店由「火車頭」老闆開設，而兩店位置相近，安坐這裏大可兼嘗越南美食；叫餸食飯，但同時歎越式小食拼盤、火車頭河，甚至飲番杯滴漏咖啡，都幾過癮。

查詢：2808 4228

V.I.P.房搞飯局

老闆李生諗頭多多，連小小飯店都有V.I.P.房！位置跟飯店相距不遠，拐個彎就到，門口還寫着「廚房」兩字。打開門見到水晶燈、電視及酒架等，完全是另一種格局。房間可容納10至12人，不論新舊客都可以訂位，既可散點菜式，亦能揀選特別餐牌，但最正是每位奉送的甜品拼盤，全由前君悅酒店甜品廚炮製，高質之餘，仲大玩新元素，好驚喜！