無綫大方配合張智霖（Chilam）與佘詩曼合作的新片宣傳，竟特闢新深宵劇場時段，安排重播二人15年前的經典作《十月初五的月光》，兩位對是次安排自然舉腳贊成，阿佘更難忘該劇為自己帶來「第一次」。文：影視組

阿佘因演「君好」一角而深得觀眾喜愛，可謂意義重大！

張智霖對重播大感興奮，更「癮起」想再追睇！

張智霖與阿佘15年前以情侶檔姿態接拍無綫劇集《十月初五的月光》，觀眾反應出奇地好，首播周已創下37點收視佳績，「初哥哥」與「君好」的故事更成為一眾視迷的集體回憶。最近有電影公司安排二人再度合體，將相關故事改編拍成電影，並安排於下月中上映，無綫有見及此，大方配合電影宣傳，鐵定自本月17日晚開始，一連5個星期六深宵時段、以每次播4集的方式重播《十》劇，讓劇迷一口氣重溫！

「係大家嘅集體回憶」

兩位主角對「喜訊」大表雀躍，Chilam說：「其實15年前嘅拍攝記憶，好多都煙消雲散，自己咁多年都係睇過一次《十》劇，依家重播令我有興趣追睇番，畢竟可以話係大家嘅集體回憶嘛！好多謝無綫今次咁幫手，令大家走入戲院睇戲之前，可以先睇番套劇熱吓身先。」

演技終獲肯定

阿佘則說：「我好鍾意呢套劇，當時仲係新人，包包面囉！拍呢套劇之前，大家都覺得我嘅演技比較幼嫩，但呢套戲為我帶嚟『觀眾最喜愛電視角色』同『螢幕情侶獎』，絕對係一個轉捩點！而我為《十》片開工前，都有特登重溫劇集，好多謝TVB配合重播！」

而無綫助理總經理杜之克回覆記者查詢時，承認將重播《十》劇：「傾過會配合電影宣傳，逢星期六晚播放。（之後仲會播咩劇？）呢次係特殊安排，會唔會繼續落去，就要視乎觀眾嘅反應。」