張繼聰將舉行演唱會慶祝入行30周年，講明怕被搶鏡而不請天后老婆謝安琪（Kay），但不忘大讚太太人靚歌甜；自認低俗的他更不排除為票房而脫衣！ 文：音樂組

阿聰擺出OK手勢，為演唱會宣傳。

阿聰開香檳預祝演唱會成功。

謝安琪

張繼聰昨日舉行記者會宣傳將於12月12日假Star Hall舉行的《I'm OK Live Concert》，獲主辦商送上OK手勢的蛋糕，他笑說：「由做童星至今入行30年都尚算OK。（會否加場？）要睇反應啦！希望大家可以『加長』我演藝生涯啦！」

讚老婆人靚聲甜

問可會夫妻檔上場，請Kay任嘉賓？他斷言拒絕，全因Kay太搶鏡：「佢人又靚又唱得好，性格又唔錯，所以唔啦！」阿聰曾在電視劇中除衫震波迷倒不少女粉絲，問騷上可會重演騷肌一幕？他初時自認硬頸，因為每次訪問都被問除衫而忽略其歌曲，令他更加不想除衫，連太太都支持他不用脫！

為賣飛不擇手段

但其後阿聰轉口風留後路：「唱三十幾首歌要操體能，暫時冇話有『脫衣環節』，但多啲買飛，反應好都可以諗吓！我個人都好低俗，為求票房不擇手段！」至於有人提議加演晒胸兼猜枚？阿聰接納意見讚好：「都可以諗吓，震波咪嘴仲可以練少幾首歌呀！」另外，阿聰坦言沒有信心奪視帝，因為黎耀祥好戲，而他視黃秋生為大師兄，相信得獎機會微。