導演錢國偉（Wilson）與女友陳宛蔚（Calinda）後日在洲際酒店舉行婚禮，筵開約50席花費逾百萬元。為婚事一腳踢的Calinda早前被發現到中環拎喜餅，手挽幾袋重物，行上蘭桂坊斜路時喘氣兼抹汗！知道未婚妻辛苦的Wilson，日前帶她到尖沙咀揀金器呵番，獲金舖貴賓式款待，期間有睇龍鳳鈪及頸鏈。Wilson起初有畀意見，但其後因煩公事而頻覆Message，最後買下一條頸鏈予Calinda。

錢國偉與陳宛蔚揀金器。

最後買了一袋戰利品離開。

陳宛蔚與友人拎住幾袋喜餅，行幾步就要抖。

事後，Calinda接受電話訪問承認近日壓力超大，已睇中醫調理，但體諒Wilson的情況。提到兩人睇金器，她笑言物輕情義重：「其實一早準備咗首飾，但媽咪叫我睇吓金器，近排佢（Wilson）都有買頸鏈同手鈪畀我嘅。（幾錢？）有六位數字啦！」