洪永城、陳凱琳及姚子羚等昨日宣傳劇集《張保仔》，子羚看到大會安排的大隻紋身洋人示範打拳時，即失控喪笑兼向對方「抽水」，而大玩掌上壓的「孱仔」洪永城更面紅耳熱！ 文：影視組

大玩掌上壓的洪永城「面都紅晒」，即被嘲「弱雞」！

洪永城與陳凱琳玩「掂膊遊戲」時玩到癲，攬埋一舊！

明明係玩緊「掂膊遊戲」，點解子羚會變「掂髀」嘅？

陳凱琳（Grace）、洪永城及姚子羚等昨日出席台慶劇《張保仔》活動，主角之一的陳展鵬因病缺席。席間眾人玩掌上壓及打拳測試體能，大會特別安排大隻紋身洋人示範，子羚見狀即High爆尖叫兼面紅，其後與對方玩「掂膊遊戲」時更失控喪笑「抽水」周圍摸。

輕撫纖腰玩到癲

「孱仔」洪永城玩掌上壓時更玩到「面都紅晒」，其後他與Grace玩「掂膊遊戲」時又不慎輕撫她的纖腰。被笑「弱雞」的洪永城反駁：「面紅唔代表弱，係血氣暢順、毛孔發達，平時都有做開運動，依家都有Keep住做Gym。」又自覺有潛質拍動作戲，希望練功夫做「打仔」。問到女友唐詩詠是否嫌他太奀，他說：「唔係，每個男士都想強壯啲、實淨啲，可以保護到身邊嘅人，所以我想Fit啲。」

陳凱琳讚男友誠實

提到曾參演《拳王》的男友鄭嘉穎打上癮，Grace覺得黃智雯打得很有型，故不排除學打拳。提到遭黃秋生批評演技的她獲嘉穎力撐，她說：「佢不嬲都好鼓勵我，個人好中肯，佢睇過一集都話我有時太用力，呢啲係善意嘅，如果一味話我做得好好，但原來麻麻哋就對我冇建設性幫助，所以好感激佢畀鼓勵我。」問到會否對男友加分，她說：「佢一向誠實，有嗰句講嗰句。」