東網電視
更多新聞短片徐天佑昨日突然宣布已訂婚及於下月在港舉行婚宴，緋聞舊愛楊愛瑾（Miki）受訪時送祝福：「恭喜晒！都好戥佢開心，身邊啲朋友都陸續結婚喇！祝福佢哋幸福快樂，將來開開心心。」而Shine多年拍檔兼好友黃又南直認早知婚訊，為好友瞞得辛苦，又自爆曾承諾30歲前結婚，豈料被好友爬頭。問到送甚麼賀禮？又南說：「佢係我家人、中小學朋友外最熟嘅朋友，諗到頭都大！」但因檔期問題而未能擔任兄弟團。
曾與天佑傳拍拖的Miki得悉喜訊後，大方恭喜對方。
黃又南透露早知天佑下月大婚。
張致恒
至於曾合拍電影的Janice Man透露曾見他的未婚妻：「祝天佑佢哋幸福美滿，早日添丁。」另一好友張致恒則說：「早一星期時已經接到天佑請飲嘅電話，好感恩睇住佢變得成熟，望佢快啲生仔。佢結婚唔覺得愕然，我都可能就快結婚啦！」而與天佑相識多年的譚俊彥亦替他開心，希望天佑加速造人，打算送酒作禮。
