王曼喜（右）話自己設計嘅衣服必定畀媽咪馬詩慧（左）着。
名模Janet馬詩慧同長女Kayla王曼喜出席一個飾物品牌活動，兩母女笑容滿面，似乎有好事喎。話口未完，Kayla就透露自家品牌即將喺七月網上發售，今季系列會以簡單為主題，唔會過分花巧，但暫時未考慮加入飾物系列。
問到會唔會穿上囡囡親自設計嘅衣服？Janet笑言咁畀我着我實着！再追問囡囡有冇問吓佢嘅意見？佢就話：「如果問到先畀意見，唔想自找麻煩，佢自己咁大個人，要放手畀佢做仲好過拖住佢隻手教佢。」而乖巧嘅Kayla亦隨即話：「一定會畀媽咪着。」
第一手消息請下載on.cc東網
