港鐵年初二、三提供成人八達通車費半價優惠，但原來非直接將成人車費減半，只是收取小童八達通車費，有乘客指做法取巧，睇吓港鐵署理行政總裁權權點回答市民嘅問題。
市民：又話半價，依家短途車程貴咗喎！
權權：宣傳一直都係話「約半價」，冇呃你！
市民：好取巧啫。
權權：咁都係畀咗優惠你哋吖嘛，唔係唔要呀？
市民：咁搭車都要袋住先嘅……
權權：咁咪係囉，更何況長途車程仲平咗，有賺啦！
市民：你哋年年加錢就真係賺到笑啦，但列車延誤、事故多多，又點計呀？
權權：包容吓啦，新一年新開始，以前嘅嘢抹咗唔計！
第一手消息請下載on.cc東網李衞
