雖然仲係新正頭，但係壹全霉非但無喜慶氣氛，反而籠罩住陣陣死氣，無他嘅，一間蝕到入骨嘅公司，邊有喜慶可言呢？慘在我少膽虫，又成淫賤黎嘅出氣袋，冤呀。
「虫，我成日掛喺口邊，要將《爛果》當鹹書咁做，你到底有冇上心o架！」當鹹書做？你估花生米豆腐乾真係可以食出燒鴨味咩！咁鍾意鹹，索性開間AV夢工場咪得囉，搞乜鬼報紙啫！
淫賤黎見我一副諗樣，知我唔服氣，即時一巴掌冚過嚟。或者係新正頭正氣煥發，本虫無硬食呢一掌，反而no look咁格開咗，型！型完咁點？咪後悔囉！「阿虫，既然你唔受我一巴，我就罰你食晒呢十底年糕同埋兩袋煎堆，收工前仲有剩，你就執包袱啦！」本虫食呀食呀，食到年糕都吃出煎堆味道，真係慘慘慘。
第一手消息請下載on.cc東網少膽虫
