星屑醫生（圖）話會搵岑敖暉爆瘡嘅殘樣照片，配合用來寫有關暗瘡嘅網誌。（資料圖片）
早前憑佔領行動迅速彈起嘅學聯，人氣較高嘅算係副秘書長Alex岑敖暉，Alex除咗個樣四正外，仲以頭頂一執「呆毛」贏取好多少女歡心。不過，持續逾兩個半月嘅佔領結束後，Alex個樣殘爆，臉上同口角仲生暗瘡，唔通佢佔領過後，無得飲支持者煲嘅愛心靚湯，所以搞到咁熱氣？
岑敖暉
星屑醫生（歐陽英傑）見到Alex個殘樣萌生靈感，話遲吓寫篇有關暗瘡嘅網誌，一定要搵Alex張相，「吸睛度」應該幾高。星屑醫生又無啦啦自爆以前都受過暗瘡困擾，而且嚴重過Alex好多。唔知星屑醫生會否出動自己當年嘅爆瘡look，以推高網誌收視呢？有網友就兜個彎讚醫生容貌keep得好，話如果醫生日後寫有關保養容貌嘅網誌，可考慮用自己張相喎。
第一手消息請下載on.cc東網
