違泊塞路 嚴重困擾居民
屯門建安街違例泊車極嚴重，警方於一年內發出近三百張告票仍未見改善。張先生指建安街的違泊問題一向嚴重，要求警方加強執法，還市民一條暢通道路，「呢度啲車唔只違規泊晒喺馬路，有時冇位連行人路都泊埋，雖然條街闊啫，但始終呢啲都係犯法行為，警方一定要處理！」
屯門建安街馬路及行人路皆充斥違泊車輛。
警方發言人指出，過去一年曾接獲三宗有關上址違例泊車投訴，期間共發出約二百七十張定額罰款告示，強調接獲轉介後已加強巡邏上址，並採取適當票控行動。
「發咗成二百幾張都仲係亂咁泊，即係警方抄得唔夠密、唔夠阻嚇力啦！」張先生希望警方正視上址違泊問題，加密巡邏及不時票控違規車主，解決有關混亂情況。
