上司有命
由於近期冇任務在身，所以我於特務機關總部辦公室四圍蕩。當我同上司嘅女秘書摸手仔談心之際，上司Z先生突然叫我入房。我見Z先生一臉嚴肅咁，於是就拍一拍佢屁股話：「黑口黑面咁，嚇親人哋喇衰鬼！」雖然我以下犯上，但係Z先生冇嬲，只係好嚴肅咁同我講：「呢次你大劑喇！」我露出驚訝表情，Z先生繼續話：「你知唔知近期請咗好多新進特務呀？」我點點頭。Z先生又話：「班新特務個個都有博士學位，IQ指數最低嗰個都有150呀！」
我知道Z先生說話背後嘅意思，於是話：「班後生仔識做事就唔識做人，邊會好似我咁，識幫你哋班高層四圍搵索女開淫亂派對吖！」Z先生就話：「我梗係知你幫到手啦！不過有唔少新特務都係上頭嘅親戚，到時上頭要我畀位佢哋上，我可以點呢？唯一方法就係你自我增值，至少都讀個大學學位返嚟啦！」
慘被威脅
本來我都唔想聽Z先生嘅說話去讀書，不過我怕違抗命令，我幫佢墊支嘅幾筆肉金會化為烏有，所以即刻應承去讀書，仲叫佢位女秘書安排進修事宜。第一日我以普通人身份返學嘅時候，一眾女學生見到我出現都甚為歡喜，因為我實在生得太可愛！
成群女學生個個圍埋嚟同我傾偈，有幾個仲係咁摸我肚腩同下巴添！不過，零零舍舍有一位女學生坐喺一旁，兼用一對冷冷嘅眼神(目及)實我，唔通佢知我係特務，同我有過過節？
好不容易捱過第一日課堂生活，應該係好舒服咁瞓到落堂之後，該位女學生走嚟同我講：「我叫美娜，我知你係邊個！」我即刻掩住佢個嘴，因為如果畀人知道我30幾歲人先嚟進修就真係醜死人！
美娜及後同我講：「我唔講出嚟都得，同我上床啦！」估唔到佢會咁直接，不過美娜樣子俏麗，身材仲有35-23-35，我一早已經嗒佢糖，所以二話不說就同美娜去開房。（待續）