星洲蟹王駕到

無名無姓，不一定是小卒，只要擁有超班實力，自會在芸芸眾生中彈起。紅遍新加坡、印尼的海鮮專門店「無招牌海鮮」，最初不過是簡陋、僅50平方呎的小小海鮮檔，就連招牌都買唔起，但憑創辦人王金花女士的一道白胡椒蟹，迅即打響名堂，搖身成為著名食肆。這蟹王最近更空降銅鑼灣，令東南亞食潮繼續Hit！

這「無招牌海鮮」自1981年開業，屬第3代傳人的老闆Sam表示：「新加坡以前好少海鮮檔，賣蟹唔算流行，但我婆婆（王金花）煮的白胡椒蟹、辣椒蟹好好食，好受食客歡迎，因為舖頭無招牌，大家會叫我哋做無招牌，個名就係咁嚟啦！」

開餐坐得舒服

Sam指現時於新加坡、印尼共有8間餐廳，很多香港食客會專程捧場，經常被問起何時來港開舖，Sam說：「我哋構思咗5、6年，一直覺得香港係適合地點，依家覺得時機成熟，又搵到合適舖位，所以決定開店。」餐廳以明亮的白色調為主，沒花巧布置，卻寧謐舒服，既有室內雅座、VIP房，亦有露天位，Sam解釋：「香港食海鮮的熱門選擇，例如西貢，地點唔太方便；食辣蟹的地方又多數坐得唔舒服，我哋想大家以合理價錢，享受好環境及食物，甚至可以來傾生意。」

胡椒煮出層次

來這裏，必點的有白胡椒蟹、辣椒蟹、麥片蝦及咖啡排骨等，只因當中的白胡椒、辣椒、麥片及調味料等全由當地直送，每月運來的數量就多達500公斤。食材方面，Sam表示：「我們當然想每間店都用相同材料，但單單新加坡每日就用上1.2至1.3噸（約1,300隻）的斯里蘭卡大蟹，數量不夠供應來港，所以這店改用澳洲泥蟹；蝦則是虎蝦，盡量揀質素相近的，不失原有風味。」

食港式海鮮，煮法離不開豉汁、蒜蓉粉絲及金沙等，星洲的白胡椒、辣椒風味，絕對有新鮮感，用上十多種胡椒粒磨成的粉末，芳香而不攻鼻嗆喉，滲入蟹肉好滋味；辣椒蟹則辣得刺激，還帶點鹹、甜味，互相平衡，Sam教路：「我覺得白胡椒蟹、辣椒蟹會互相搶味，唔好一次過食晒兩款。」

查詢：2398 9959