張家輝輸獎贏幽默老婆禁「肉」

今屆電影金像獎的影帝影后塵埃落定，三屆影帝周潤發及憑《綫人》再度問鼎影帝的張家輝雙雙失落影帝，但他們的幽默感仍搶盡風頭！發哥昨晚現身會場時，主動與張家輝及謝霆鋒握手傾偈，霆鋒更把握機會介紹老婆張栢芝給發哥認識，栢芝見狀即彈起身與發哥握手寒暄。而發哥偕發嫂陳薈蓮行紅地氈時，謙稱只得五分之一信心封帝：「五分之一機會啦！我其實冇乜信心，獎又攞過，希望未攞過嘅攞！」發嫂則說：「冇所謂，邊個贏都好，最緊要開心！」問到以鮮黃色打扮成「蕉」點的發嫂，問到有沒有信心勇奪「最佳衣着」時，只笑不答。

至於家輝昨晚偕同以復古Look示人的太太關詠荷行紅地氈，被問到是否向太太下禁「肉」令，家輝笑說：「你估個個都係吳君如咩？成日袒胸露臂！（帶埋太太嚟旺你？）唔計呢啲嘢，一向都唔信風水、命理或者吉祥物，之前同佢去法國都攞唔到，當嚟參加派對！」他又打趣說已將「攞獎戰衣」轉贈給同樣憑《綫》片角逐影帝的謝霆鋒。

另外，候選影后楊千嬅偕老公丁子高行紅地氈時慘變「落湯雞」，身穿法國空運抵港晚裝的她擔心要賠錢，而老公則力撐密實戰衣能凸顯太太身材：「我冇唔畀佢性感！件衫着得佢好高貴！」