肉彈反皮草
利比亞發生動亂，狂人卡達菲同一眾反政府軍展開激戰，真係好睇過荷里活巨製！不過老實講，我就最唔鍾意打仗，搞到有流血事件發生，好似PETA（善待動物組織）嘅呢班靚女咁，唔用飛彈用肉彈嚟抗議咪幾好！
赤裸上身 高舉標語
早前喺加拿大嘅多倫多，突然出現一個令男士們為之震驚嘅場面！有三名女士半裸上身出現，而下身亦只係着住底褲！佢哋一手掩住胸前兩點，一手拎起橫額，而橫額上面就寫住「Bare Skin, Don't Wear Skin.」即係叫人寧願光脫脫，都唔好着皮草。
原來該個星期，係多倫多嘅時裝周，有好多時裝展會於呢段時間舉行，時裝當然離不開皮革製品同名貴皮草啦！所以呢班來自PETA嘅女士為咗反對大家着皮草就挺身而出。果然，憑住佢哋驕人嘅上圍，成功令現場市民留意其身材同反皮草訊息，呢種和平示威方法，我就最贊成喇！