兩個釣魚郎在碼頭相遇，一老一少，卻甚投緣。小伙子被初踏社會困惱着，一肚苦水：「細個幻想自己做律師醫生，點知讀完大學搵得萬零蚊，你話夠養邊個？」老人家微微一笑，鼓勵小伙子道：「努力啲，做人現實啲，總有出頭天嘅。」
小伙子遙望夜空，長嘆一聲，向老人家說：「我女朋友就係話我冇夢想，喺我身上面睇唔到將來，就咁飛咗我！」老人家聞言大喜：「咁就恭喜你喇！記住，凡事莫強求，隨遇而安，呢世先會過得開心！」小伙子忍不住問：「老人家，唔通你真係成世都隨遇而安，冇追求過夢想？」這次輪到老人家長嘆：「我呢世就係實踐過一次夢想，娶咗個老婆返嚟，咪搞到夜晚畀人趕出街，要嚟釣魚囉！」
現實永不如夢想般美妙，卻是可以落腳的地方。夢想，還是少想為妙。
第一手消息請下載on.cc東網十方無敵
