政壇：搞搞政：YouTube中文名考生抓爆頭

前排考評局出咗首屆中學文憑試考試報告，透露原來考生考中文口試時，有機會因經常將iPhone、facebook掛喺口邊而被扣分，令好多考生都紛紛呼冤，事關facebook根本就無官方中文名。而考評局一句facebook中文叫「面書」，就搞到考生們更加摸不着頭腦，原來一個唔經大腦、單照字面、監粗直譯嘅「面書」，竟然可以登上神聖嘅試場！

既然考評局咁重視民意，大家梗係要相應配合、乘勝追擊。而下一個經常被人中英夾雜嘅莫過於YouTube。YouTube究竟點譯？有網民就話照辦煮碗譯「你(you)管(tube)」可也。不過既然字面直譯可取，按音直譯也無不可，咁「乳貼」亦不失為一個選擇。但有網民就嫌「乳貼」通俗，加上考評局話考生唔識文言文，提議譯作「汝貼」，再想文雅啲「爾道」都唔錯o架，仲可以滿足晒音、意俱備嘅要求添！真搞笑！