政壇：政商定格：千呎水晶舞台供藝術家發揮
法國殿堂級水晶品牌Lalique，精品向來吸引名人收藏。人稱「LALIQUE香港之父」嘅Lalique亞洲常務董事Thomas李少傑，營商不忘回饋社會，近日喺中環概念店闢出一千呎，打造一角成為水晶表演舞台，開放畀苦無舞台嘅本地藝術家，搞展覽、表演都無任歡迎。
Thomas形容呢個決定的確有啲Crazy，難得Lalique法國公司舉腳贊成，Lalique SA常務董事Roger Von Der Weid早前更專程飛嚟香港打氣。原來Roger熱愛攝影，唔怪得佢咁支持香港人發揮創意啦，但對音樂就自認冇天分。佢期望喺Lalique舞台上聽到名家演奏二胡、琵琶，又希望吸引年輕畫家喺度擺畫展。
千幾呎水晶舞台係藝術家盡情發揮嘅天地。
李少傑懶理中環租金昂貴，闢出新店一角免費借畀藝術家。