政情：蔡曉慧減壓靠有機蘿蔔
政情：蔡曉慧減壓靠有機蘿蔔
有機菜成為潮流，尋日柴灣青年廣場舉辦咗個「有機生活齊體驗」活動，前香港游泳代表隊隊員蔡曉慧都有出席，佢透露好多年前喺外國讀書時開始咗有機生活，同場現身嘅民政事務局常秘楊立門就話，撞啱就會食有機菜。
蔡曉慧話，以前喺美國讀書兼做運動員時，由於壓力大，經常會煮飯仔減壓，最鍾意用有機蘿蔔炆牛腩，健康之餘又惹味。而美國早已流行有機生活，所以超市有好多有機蔬果畀佢選擇，佢見有機食物冇農藥同防腐劑，食食吓就慣咗有機。官場歌王楊立門尋日就有捧場，佢實話實說，承認只係見啱有先會食有機嘢。