歌手漢洋、譚嘉荃（Amy）、路芙及蕊蕊等拍攝微電影，當中亦完成了「不可能的任務」！漢洋在其中一集與Amy再度情侶檔上陣，笑言彼此已對到厭，又自爆要「犧牲色相」咀Amy，才換來大團圓結局！

漢洋與譚嘉荃老友鬼鬼，但拍親熱戲依然有點尷尬。

Amy五時花六時變，仲頻頻發脾氣，漢洋惟有獻吻出冧招啦！

蕊蕊在劇中因暫時不想生B而與喬寶寶有爭執，幸而最後破鏡重圓！

漢洋、譚嘉荃、路芙及蕊蕊等早前為微電影《12星座》到內地進行拍攝，漢洋透露由籌備至拍攝僅花了1個月時間，拍攝過程分外緊湊，但最終仍順利完成任務！

對到厭嗌怕醜

他與Amy在其中一集再度「情侶檔」上陣，Amy笑稱已對到厭：「今次同佢做一對即將結婚嘅情侶，不過我係雙子座好似雙重性格咁，成日都改嚟改去，好似唔係想結婚咁，所以同佢鬧交話不如咪結婚！」漢洋則自爆要「犧牲色相」：「Amy發脾氣，所以我成日要哄佢，咁少不免梗係要錫啦！（你之前同佢拍MV已經錫過啦！）我哋真係好老友，咁親密我都怕醜呀！」

蕊蕊要Free唔要B

至於蕊蕊與喬寶寶飾演夫妻，在生小朋友的問題上有分歧，蕊蕊說：「講我坐唔定，好想得到自由，所以暫時唔想生小朋友，最後因為跳舞方面出現問題同喬寶寶好番。」電影會分開12集推出，但故事沒關連，更會在內地大型商場播放，漢洋說：「其實都幾期待，因為會喺好多個商場播放！（遲啲同內地公司拍電影？）不嬲都有傾，成事會同大家講！」

文：專案組