動作女星陳鈺芸（JuJu）近年拍了不少打片，她對動作電影深感興趣，每次都虛心學習，更頻頻向高手偷師學新招！JuJu又自爆早前拍攝新片的揮劍戲時，不慎被對手「劈」中眼！

陳鈺芸

好動的JuJu起飛腳出拳，拍動作片？Easy Job啦！

JuJu拍新片時被劍劈中眼，險些失明！

JuJu樂於挑戰新事物，當中對吊威吔最感興趣。

陳鈺芸近年接拍不少電影，早前為拍打片更獻出多個「第一次」，包括首次拍古裝電影及吊威吔，大膽好動的她笑說：「本身鍾意玩體操，跳來跳去、揈來揈去，今次有得吊威吔好開心！拍攝前一個月去武館做訓練，我好踴躍話要吊威吔，雖然未知角色使唔使吊威吔，但我已經舉手話要試，佢哋都教咗我好多唔同動作！」

標眼水緊急送院

近年頻頻拍打片的她要應付不少動作場面，手腳少不免會拉傷、撞瘀，她更自爆拍攝揮劍戲時，最後一Take不慎遭對手打中眼，要3周後才完全恢復視力，幸而當時導演亦收貨：「對手早咗揮劍，把劍就打中我塊面，嗰下撞擊都幾大力！當時隻眼黑咗、狂標淚水，我睇唔到嘢，仲以為盲咗！好彩嗰刻瞇埋咗隻眼，只係打中眼皮，不過即刻有條好粗嘅紫黑色『眼線』，然後慢慢腫起嚟，劇組立即送我去醫院，好彩視網膜冇事！」

文：影視組

攝：劉斌

場地：FFG Martial Arts & Fitness Center

服裝：Loey @ loey_official