香港娜迷等足三十年終等到天后駕臨，一眾港星睇完騷都特別興奮，徐子珊大讚演唱會很好睇：「前段比較多新啲嘅歌，後半段就係比較舊嘅歌，不過Mix得好好，麥當娜喺台上真係好有魅力！」廖碧兒表示是第二次看麥當娜演出：「係佢超級粉絲，7年前去過日本睇佢。」森美與太太入場，問是否覺意淫？他說：「係樂而不淫。（『有味花球』你會接？）如果接到會攞番屋企擺，呢啲天后級唔知下次仲會唔會嚟香港！」名模黃佩霞說：「咁有水準好值得！（等兩個鐘都值？）佢係麥當娜，如果其他藝人就未必！」又讚她努力，57歲都Keep住做運動保持不老的身體。名媛邱李茂琪則是首次看騷：「製作好勁，簡直係世界級嘅演出，佢把聲完全冇變過!（意淫？）呢個係佢Style，有啲佢同Dancer嘅動作，我要即刻同囡囡家長指引。（遲開騷？）值得等，等得幾Enjoy！」

與宣萱（右）一同到場睇騷的徐子珊，對麥當娜的表演讚不絕口。

邱李茂琪認為麥當娜有自己的風格，不過要即場同囡囡「家長指引」。

亦有不少觀眾在網上討論，大讚製作及麥當娜的表現超水準：「睇完就知咩嘢叫做演唱會，香港歌手真係無人能及！」更指雖然有不少三級位甚至爆粗，但貫徹麥當娜的作風，並認為有互動：「唔似其他外國歌手係咁易Say Hi就算，成日都同台下互動，堅識搞氣氛！」不過有網民認為麥當娜遲了兩小時卻未引起鼓譟，實屬奇怪現象：「如果香港歌手遲到咁，實畀人鬧爆！只有Madonna先至冇人敢話！」