文凱玲當初積極減磅，只為在情場開齋！
擁有33D、23、34美好身段的「晶女郎」文凱玲（Connie），求學期間原來是四眼肥妹仔，高峰期更重達140磅！由於較大件兼男仔頭，當年沒有男生追求她，眼見身邊不少朋友都開始拍拖，Connie萌生減肥變靚的想法：「見到身邊啲朋友一個又一個咁拍拖，自己都想，所以就開始用各種方法減肥，希望啲男仔都留意吓我！」
Connie透露起初為減磅用了不少極端方法，例如節食，惟效果不太理想：「節食搞到面色差，試過有一次直頭落唔到床，要嗌媽咪幫手！（嚇親佢？）當然嚇親啦！佢即刻扶我起身同畀包餅我食，之後唔畀我再節食減肥。」吸取教訓後，她改用正確方法減磅，包括跑步及均衡飲食，逐漸由140磅變身成為弗到爆的靚女！不過，她笑言現時仍不時為上鏡而努力收身，任何時候都不敢怠慢。
場地：wildfire pizzabar & grill
