麥當娜昨晚在香港舉行尾場演唱會，吸引一眾藝人及名人捧場，如鄭裕玲（DoDo）、呂方、杜德偉、諸葛紫岐夫婦、任達華夫婦、時裝設計師何國鉦、蕭定一夫婦、雷兆光夫婦、孫佳君及鄧紫棋（G.E.M.）等，其中DoDo和呂方分手後首度同場，但前後腳到場緣慳一面，呂方指有帶現任女友到場。提到與DoDo同場，呂方大方地說：「係咩？會坐隔籬？如果係就一齊跳舞。」他是首次看麥當娜騷，不怕對方遲開騷，但怕暈船浪，故不會到澳門睇。DoDo亦是首次看騷：「今次唔睇都唔知幾時佢再唱。（驚遲開騷捱眼瞓？）值得嘅，我係選擇性咁捱，聽講今晚佢會早啲開始早啲完。（睇到完騷？）睇吓點，太眼瞓就走。」諸葛紫岐亦是首次睇騷，記者讚她肥番啲，老公薛嘉麟即讚：「靚咗！」

DoDo認為可以睇麥當娜開騷，捱眼瞓都值得！

杜德偉、呂方

琦琦、任達華

黎耀祥（左）

麥當娜

另外，接近晚上9時DJ Mary Mac開始打碟，但入場觀眾只有一半，期間DJ叫歌迷尖叫，歌迷和應，但再叫歌迷舉手就冇人應，DJ又不停大叫Hong Kong，更播出具香港精神的暖場歌《獅子山下》，直至9時15分左右，觀眾入座率已七七八八，直到9時26分，場內開始熄燈播片，到9時29分，麥當娜終於出場，比昨晚早了50分鐘開騷。而她昨晚叫歌迷大叫，又High爆稱要嫁畀香港，讚香港好靚。