歌手周柏豪前晚出席I.T旗下品牌STYLENANDA新店開幕活動時，大讚韓風犀利，早前跟韓國組合EXO-M上CCTV節目的他，已覺得他們眼神銳利。問到會否跟韓星風？他笑說：「全世界都同一個風，潮流好快兜圈，希望又返嚟香港，我鍾意香港女仔o架！」

柏豪雖欣賞韓風，但最鍾意的仍是港女。

洪卓立即場為女孩化妝。

而問到同場的洪卓立會否為女友湯怡化妝？他爆女友曾學化妝，更做女友的模特兒，又笑指近日女友改做蛋糕，令他發福不少，問到會否炮製蛋糕給女友？他笑說：「我驚佢食我整嘅仲瘦！（開舖畀女友？）有諗過，真係好食！」更大讚女友娶得過，值95分！