將於8月在紅館開騷的杜德偉（Alex），昨日在尖沙咀舉行新歌發布會，試跳新版《影子舞》熱身，並大跳演唱會的新歌《震》，但舞步相當大膽，兩名Dancer拿發光電筒照着Alex的下身「震」動！跳完後，Dancer又在Alex的胯下大放紙炮，動作三級！

勁舞預演個唱的杜德偉表示，爆肌對他來說已不夠新鮮。

歌迷紛紛送禮，令杜德偉喜上眉梢。

現場有追隨廿年及來自上海的粉絲送禮，讓Alex極之興奮：「今日正式宣布演唱會成事，好期待快啲上台。」又稱近日公司電話接到「追魂Call」，演唱會有機會加場：「本身舞台都設計好晒好靚，加上設備係超級演唱會嘅程度，自己又操到好Fit，得一場都嘥咗。」至於表演嘉賓，Alex自言周街「人情債」，可以邀請的人很多：「吳君如、羅志祥、丁噹、呂珊等等，唔做嘉賓都嚟睇啦！」