前港姐朱千雪（Tracy）及張秀文（Sammi）等昨日出席無綫《足球夢2014》之「朝夢想飛翔」活動。期間，Tracy與Sammi獲前荷蘭國腳戴維斯及雲達教路踢波，但全程雞手鴨腳，更被球星要求再作示範，場面爆笑。提到二人球技，Tracy自嘲落場陪跑：「次次都冇人交波畀我，落場齋跑。」Sammi則表示有進步，因為成功「掂波邊」。談到即將舉行的世界盃，Sammi笑稱到埗後靠高鈞賢保護：「我周三會飛去巴西。（遇熱情球迷？）同行嘅高鈞賢會保護我，如果有人攬同咀我，我會叫高鈞賢咀咗佢先！」至於有報道指趕拍無綫新劇《流氓皇帝》的Tracy避見「筍盤」馬國明？她說：「冇，每次開工都見到佢。（避忌？）冇，都係工作上接觸。（收工一齊食飯？）一班人食。（撐枱腳？）太夜收工好攰，會各自返去瞓覺。」

球技一般的朱千雪，自嘲落場陪跑。

張秀文獲球星戴維斯教路踢波，但依然雞手鴨腳。