前亞姐張家瑩及顏子菲等昨日錄影亞視節目，早前到廣州拍戲的家瑩，原來成為偶像周潤發相機下的Model：「等埋位時發哥叫我『小姐』，我擰轉身就影咗，問佢拍完戲可唔可以畀張相我，佢話好。（抄牌？）好想！但唔夠膽。」她又笑稱不夠膽跟發哥自拍：「見到佢呆咗，喺佢相機裏有我張相已經好開心！」子菲則直言恨升Cup，但怕痛不敢假體隆胸，又稱可接受微創抽脂隆胸：「將多餘脂肪抽走，身形可以靚啲，又可以循環再用好環保，如果我突然暴肥20磅，證明我儲肥自己擺落胸。」

家瑩（右）與子菲盛裝打扮錄影節目。