群星撐羅斯攞MVP

    • NBA季後賽昨晨揭開戰幔，打頭陣的常規賽冠軍公牛幾乎倒灶收場，慶幸戴歷羅斯再一次打出MVP水準，破盡個人季後賽紀錄之餘，更於完場前1分50秒隻手打殘溜馬，協助公牛以104:99反勝對手先拔頭籌。「牛魔王」表現技驚四座，就連向來目中無人的麥基迪亦透過Twitter大讚羅斯：「攞硬MVP！」

    常規賽冠軍對戰8號種子，預期一面倒的交鋒卻有着出人意表的戰況，被看淡的溜馬憑哥連臣、格蘭加及希斯保治合力攻入63分，由開波至第4節一直領先。然而羅斯卻於關鍵時刻挺身而出，在完場前1分50秒內連奪7分，兼且助攻高華射入致命3分波，帶領公牛上演驚險逆轉好戲。

    格蘭加冇晒符

    貢獻全場最高39分、6個籃板、6次助攻及3次封阻的羅斯，總共刷新個人得分、封阻、罰球次數及罰球命中率等4項季後賽單場紀錄。面對無人能阻的「牛魔王」，溜馬王牌格蘭加明顯「冇晒符」：「羅斯就好似畀你飛咗嘅女朋友一樣，你唔想見到佢咩？佢就偏偏出現喺你面前，追到你氣咳！」

    麥基迪Twitter激讚

    賽後太陽射手杜利、魔術控衞杜漢及騎士球星巴朗戴維斯，紛紛透過Twitter激讚羅斯，就連活塞老將麥基迪亦撐「牛魔王」值得奪MVP殊榮，「T-Mac」表示：「唔需要等MVP公布啦，戴歷羅斯攞硬！」雙方明早於Game2再度交鋒，沒有包袱的溜馬打得夠放隨時再逼到公牛陷於苦戰，受讓11.5分寧撐下盤。

    NBA季後賽周二秩序

    時間 球隊 近五場戰績

    周二7:00am 東2東7 熱　火 76人 主 WWWWW

    熱讓9.5分大/細(189.5分) 客 LLLWL

    周二9:30am東1東8公　牛 溜　馬 主 主 WWWWW

    有線165、now678及中央5台公讓11.5分大/細(190.5分) 客LLLWW

    賽果熱線：2795 2233•周一中午12時起至晚6時止

    註：前者主場 左為最新賽果 資料只供參考