雙方家長同一對新人方仁宗（右三）及Patricia（右四）喺婚宴前先來張合照。
名媛Helen方劉小梅嘅細仔方仁宗前日小登科，迎娶相識近十年嘅醫生女友Patricia，筵開三十席，好多政商界名人都嚟到賀，包括財經及庫務局局長陳家強兩公婆、教育局前局長孫明揚夫婦、王守業伉儷同商界女強人陳小寶，而「機器大王」蔣震嘅女兒、息影藝人蔣麗萍，都拖埋老公一齊嚟飲。咪以為一對新人先忙，做奶奶嘅Helen整晚都忙個不停，但見到阿仔結婚梗係開心喇，佢仍然笑容滿臉，仲親自招呼賓客添！
Helen之前講過，一對新人按足傳統習俗斟茶畀長輩，儀式都有做齊晒，佢就送咗玉器畀新抱，而樓就係老公送畀個仔同新抱嘅，佢哋會去羅馬同其他國家度蜜月，而新抱婚後仍會繼續做嘢。
第一手消息請下載on.cc東網
