運輸署規劃失當，牛池灣公共運輸總站被棄用，更淪為停車場。珍貴土地資源被浪費，點講都講唔通，李衞即刻去搵署長茵茵投訴。
李衞︰咁大塊地被丟空，有無搞錯？
茵茵︰邊有丟空？依家咪變咗做停車場。
李衞︰咁好心你一開始就唔應該命名為運輸總站喇！
茵茵︰係喎，多得你提我要幫嗰度改名。
李衞︰仲死不悔改，不如聽吓民意，將總站改劃成休憩用地。
茵茵︰……其實嗰度一向可以畀人休息。
李衞︰乜嘢話？！
茵茵︰咁嗰度長年無人用，生晒雜草，仲唔係成個綠化公園咩？
李衞︰!@#$%%^^
李衞
第一手消息請下載on.cc東網
