食環署轄下九龍城街市貼出「禁貓」通告，不准租戶養貓，否則會被漁護署捕貓籠捉走，但檔販指鼠患嚴重，禁貓將好大鑊，睇吓檔販同食環署署長群群嘅對話。
檔販：其實……禁養貓咪令鼠患更加嚴重！
群群：但會令街市衞生啲喎。
檔販：大佬，隻貓養咗好多年，有感情o架，唔通話唔養就唔養咩！
群群：哦，咁你咪拎返屋企養囉……
檔販：有冇第二條路畀嚟行呀？
群群：有，一係畀漁護署捉走……
檔販：乜你咁無人性o架，一刀切！
群群：不嬲街市都唔可以養動物，更何況我畀咗兩條路你揀，一係拎返去養，一係畀漁護署捉走，仲話我冇人性？
檔販：@#%^^@@!!!!
第一手消息請下載on.cc東網李衞
