政情：象哥爆棠哥未克竹戰

早前做完頸椎手術並康復中嘅工聯會會長鄭耀棠，喺公開場合現身仲係好似機械人咁，身為棠哥老友兼雀友嘅建仔立法會進出口界議員「象哥」黃定光（圖）透露，棠哥手術後隻手依家叫做有番啲力，但暫時仲未可以竹戰住，估計最快都要暑假至可以再次大殺三方喎。

象哥希望大家唔好誤會，佢哋並唔係爛賭之人，打嘅只係衞生麻雀，四圈起、八圈止咁話。佢好感慨咁話，自從棠哥發現頸椎出問題後，佢都開始好注意自己身體健康，閒時會游水keep fit，希望身體健康。