外判工時薪不足$28政府擬補貼

【本報訊】政府就最低工資實施後，外判工人休息日及飯鐘是否享有薪金的問題上態度軟化，日前更就有關安排向工會放風，計劃向外判商補貼時薪不足廿八元的外判工人有關工資差額，並會以廿八元的水平向外判工支付有薪休息日；至於飯鐘是否有薪，則會維持現行合約的安排，即「依家有就有，冇就唔會額外畀」。

政府原訂於下周一立法會人力事務委員會上，交代外判工人在條例實施後的薪酬安排。據了解，勞工及福利局官員日前已率先致電多名工會代表，透露政府計劃向外判商補貼有關工資差額，及計算休息日薪酬。消息指，當局為求做到平衡，故只畀一樣勞工界，另一樣（飯鐘）就唔畀，只按現行合約處理。

「畀埋飯鐘錢好啲」

香港物業管理及保安職工總會幹事李凱直言不接受有關安排，「政府呼籲有能力的僱主，應該畀（有薪飯鐘及休息日），政府作為最有能力的僱主，畀埋飯鐘都係兩億幾啫，派錢都派咗幾百億啦，咁都唔肯畀，係好壞嘅示範」。工聯會立法會議員葉偉明認為，當局「畀埋飯鐘錢會好啲」，現容易給人兩面不是人的感覺。

代表政府部分外判清潔承辦商的環境衞生業界大聯盟召集人甄瑞嫻，對政府的安排並沒有異議。